ଭୁବନେଶ୍ୱର,୨ା୦୨(ଭୟୋସ ଅଫ୍ ଇଣ୍ଡିଆ/ବିନୟ କୁମାର ଦାସ) :- ନିଶ୍ଚିନ୍ତକୋଇଲି ବ୍ଲକ୍ ଅନ୍ତର୍ଗତ ନେମାଳରେ ମହାପୁରୁଷ ଅଚ୍ୟୁତାନନ୍ଦ ମିନି ଷ୍ଟାଡିୟମ ଆସନ୍ତା ୪ ତାରିଖ ରବିବାର ଲୋକାର୍ପଣ କରାଯିବା ।ଏହି ଅବସରରେ ସମାଜସେବୀ ନୃସିଂହଚରଣ ମୁଦୁଲିଙ୍କ ଅଧ୍ୟକ୍ଷତାରେ ଚୁଡାନ୍ତ ପ୍ରସ୍ତୁତିପର୍ବ ଶେଷ ହୋଇଛି । ଲୋକାର୍ପଣ ଉତ୍ସବରେ କଟକ ସଦର ମାନ୍ୟବର ବିଧାୟକ ଚନ୍ଦ୍ରସାରଥି ବେହେରାଙ୍କ ସମେତ ବିଭାଗୀୟ ଅଧିକାରୀ ଓ ବହୁ ବିଶିଷ୍ଟ ବ୍ୟକ୍ତି ଯୋଗଦେବାର କାର୍ଯ୍ୟକ୍ରମ ରହିଥିବା ବେଳେ ସୁନାମଧନ୍ୟ କଣ୍ଠସିଳ୍ପି ଓ ସିନେ ତାରକା ମାନଙ୍କୁ ନେଇ ସାଂସ୍କୃତିକ କାର୍ଯ୍ୟକ୍ରମ ହେବା ନେଇ ସୁଚନା ମିଳିଛି । ଏହି ଅବସରରେ ବନ୍ଧୁତ୍ୱପୂର୍ଣ କ୍ରିକେଟ୍ ପ୍ରତିଯୋଗିତା କଟକ ସଦର ଓ ନିଶ୍ଚିନ୍ତକୋଇଲି ବ୍ଲକ ମଧ୍ୟରେ ଅନୁଷ୍ଠିତ ହେବ । ସୁଚନାଯୋଗ୍ୟ ଶତାଧିକ ଗ୍ରାମାଞ୍ଚଳରେ କ୍ରୀଡ଼ାର ବିକାଶ ପାଇଁ କଟକ ସଦର ବିଧାୟକ ଶ୍ରୀଯୁକ୍ତ ବେହେରା ନେମାଳରେ ମିନି ଷ୍ଟାଡ଼ିୟମ୍ର ଶିଳାନ୍ୟାସ କରିଥିଲେ । ଏହି ଷ୍ଟାଡ଼ିୟମ୍ରେ ୨ ହଜାର ଦର୍ଶକ ବସି ଖେଳ ଦେଖିବା ପାଇଁ ଗ୍ୟାଲେରି ଓ ଉଚ୍ଚକୋଟିର ପ୍ୟାଭିଲିୟନ୍ କାର୍ଯ୍ୟ ଶେଷ ହୋଇଛି ।ଉକ୍ତ ପ୍ରସ୍ତୁତି ବୈଠକରେ ସିସିବି ନିର୍ଦ୍ଦେଶକ ଅଚ୍ୟୁତାନନ୍ଦ ଦାସ,ବ୍ଲକ ବିଜେଡି କାର୍ଯ୍ୟକାରୀ ସଭାପତି ପ୍ରମୋଦ ନାୟକ,ସମାଜସେବୀ ରମେଶ ଚନ୍ଦ୍ର ସ୍ୱାଇଁ.ସାମ୍ବାଦିକ ବିନୟ କୁମାର ଦାସ,ସାମ୍ବାଦିକ ଗୋବିନ୍ଦ ଦାସ,କଟକ ଜିଲ୍ଲା ସଂପାଦକ ହିଂମାଶୁ ଶେଖର ଦାସ, ବ୍ଲକ ଛାତ୍ର ନେତା ବଳଦେବାନନ୍ଦ ଦାସ,କ୍ରୀଡାବିତ ସେକ୍ ଅକ୍ତର ଅଲ୍ଲୀଙ୍କ ସମେତ ବହୁ ଛାତ୍ରନେତା,ଯୁବନେତା,କ୍ରୀଡାବିତ ଯୋଗଦେଇଥିଲୋ ।
