ଭୁବନେଶ୍ୱର,୨୨।୨(ଭୟେସ ଅଫ୍ ଇଣ୍ଡିଆ/ବିନୟ କୁମାର ଦାସ) :-ନେମାଳ ଥାନା ଅନ୍ତର୍ଗତ ଦାଉଦପୁର ପଞ୍ଚାୟତ ନଇଗୁଆଁ ଗୋପିନାଥପୁରରେ ଅବସ୍ଥାପିତ କରୁଣାମୟୀ ମା’ ବୁଢୀଜାଗୁଳାଇଙ୍କ ପୀଠସ୍ଥଳୀରେ ସ୍ୱର୍ଗତ ବାବା ଲିଙ୍ଗରାଜ ଦାସ ସାହେବଙ୍କ ପ୍ରେରଣା ଯୋଗୁ ୪୦ ତମ ବିଶ୍ୱଶାନ୍ତି ମହାଯଜ୍ଞ ଓ ସିରିଡି ସାଇ ବାବାଙ୍କ ଚଭାଡି ଶୋଭାଯାତ୍ରା ପାରମ୍ପରିକ ରୀତିନୀତି ସହ ଅନୁଷ୍ଠିତ ହୋଇଯାଇଛି ।
ଆଖପାଖ ଗ୍ରାମର ଶତାଧିକ ମହିଳା ପୁରୁଷ ଏକତ୍ରିତ ହୋଇ ପୂର୍ଣ୍ଣତ୍ୱୟା ଚିତ୍ରୋତ୍ପଳା ନଦୀରୁ ବିଧିବଦ୍ଧ ପୂଜା ସହ ଜଳକଳସୀ ଧରି ବରହମପୁର, ଝାଡେଶ୍ୱରପୁର, ଗୋପୀନାଥପୁର, ନଇଁଗୁଆ, ଦାଉଦପୁର, ଆଦି ଅଞ୍ଚଳ ପରିକ୍ରମା କରିବା ପରେ ମା ବୁଢୀଜାଗୁଳାଇ ମନ୍ଦିର ସମ୍ମୁଖରେ ଥିବା ଯଜ୍ଞ ବେଦୀ ନିକଟକୁ ଅଣିଥିଲେ । ପରେ ଅଙ୍କୁରାରୋପଣ, ଶ୍ରୀ ସାଇ ସତ୍ୟନାରାୟଣ ପୂଜା ଆଦି ଯଜ୍ଞ ଉତ୍ସବ ଯଥାବିଧି ଆରମ୍ଭ କରାଯାଇଥିଲା । ତେବେ ଉକ୍ତ ବିଶ୍ୱଶାନ୍ତି ମହାଯଜ୍ଞ ଆସନ୍ତା ୨୪ତାରିଖରେ ପୂର୍ଣ୍ଣାହୂତି ହୋଇ ଉଦ୍ଯାପିତ ହେବ ବୋଲି କମିଟି ପକ୍ଷରୁ ସୁଚନା ଦିଆଯାଇଛି ।
