କଟକ,୨ା୦୩(ଭୟେସ ଅଫ୍ ଇଣ୍ଡିଆ/ବିନୟ କୁମାର ଦାସ) :-ନିଶ୍ଚିନ୍ତକୋଇଲି ବ୍ଲକ ଶିକ୍ଷାଧିକାରୀ ଅଧିନସ୍ଥ ମହମ୍ମଦପୁର ସରକାରୀ ପ୍ରାଥମିକ ବିଦ୍ୟାଳୟର ଆଦର୍ଶ ପ୍ରଧାନ ଶିକ୍ଷକ କୁଞ୍ଜବିହାରୀ ଦାସଙ୍କ ସେବାନିବୃତ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଶିକ୍ଷକ ଶାନ୍ତନୁ କୁମାର କରଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ଅତିଥି ଭାବେ ସହକାରୀ ବ୍ଲକ ଶିକ୍ଷାଧିକାରୀ ଲକ୍ଷ୍ମୀଧର ରାଉତ, ପ୍ରାକ୍ତନ ଶିକ୍ଷକ ପ୍ରସନ୍ନ କୁମାର ସ୍ୱାଇଁ, ସରପଞ୍ଚ ନିରୁପମା ଷଡ଼ଙ୍ଗୀ, ସମାଜସେବୀ ରମେଶ ଚନ୍ଦ୍ର ସ୍ୱାଇଁ, ବିଜେଡି ସଭାପତି ରମେଶ ଚନ୍ଦ୍ର ଜେନା, ପ୍ରାକ୍ତନ ସମିତି ସଭ୍ୟ ବିଶ୍ୱନାଥ ପଣ୍ଡା, ସି.ଆର.ସି.ସି ଅମିତାସାହୁ, ବିଦ୍ୟାଳୟ ପରିଚାଳନା କମିଟି ସଭାପତି ନରେନ୍ଦ୍ର କୁମାର ବାରିକ ପ୍ରମୁଖ ଯୋଗ ଦେଇ ଆଦର୍ଶ ଶିକ୍ଷକଙ୍କ ବହୁମୁଖି ପ୍ରତିଭା ,ଛାତ୍ର ବତ୍ସଳତା, ବିଦ୍ୟାଳୟ ପ୍ରତିଥିବା ନିଷ୍ଠା ଓ କର୍ତ୍ତବ୍ୟ ପରାୟଣର ଗୁଣାବଳୀ ସଂପର୍କରେ ଆଲୋଚନା କରି ତାଙ୍କ ଆଦର୍ଶରେ ଅନୁପ୍ରାଣୀତ ହେବାକୁ ଉପଦେଶ ପ୍ରଦାନ କରିଥିଲେ ।ଏହି ଅବସରରେ ବିଦ୍ୟାଳୟର ସମସ୍ତ ଶିକ୍ଷକ ,ଶିକ୍ଷୟତ୍ରୀ ,କର୍ମଚାରୀ, ଛାତ୍ରଭିଭାବକ, ପ୍ରାକ୍ତନ ଛାତ୍ର ଛାତ୍ରୀ, ଅଧ୍ୟୟନରତ ଛାତ୍ରଛାତ୍ରୀମାନେ ଯୋଗଦେଇଥିଲେ । ବିଦ୍ୟାଳୟ ପକ୍ଷରୁ ଶ୍ରୀଯୁକ୍ତ ଦାସଙ୍କୁ ଉପଢୌକନ ,ପୁଷ୍ପଗୁଚ୍ଛ ଓ ମାନ ପତ୍ର ପ୍ରଦାନ କରାଯାଇ ସମ୍ବର୍ଦ୍ଧନା ଦିଆଯାଇଥିଲା । ଅନ୍ୟମାନଙ୍କ ମଧ୍ୟରେ ସନ୍ତୋଷ କୁମାର ବେହେରା, ଅଭୟ କୁମାର ଜେନା, ରାମଚନ୍ଦ୍ର ରାଉତ ରାୟ,ସୁକାନ୍ତ କୁମାର ସ୍ୱାଇଁ ପ୍ରମୁଖ ସହଯୋଗ କରିଥିବା ବେଳେ ଶିକ୍ଷକ କିଶୋର କୁମାର ନାଥ ଧନ୍ୟବାଦ ଅର୍ପଣ କରିଥିଲେ । ।(ସାର ଫଟୋ ପଠାଇଛି )
