ଭୁବନେଶ୍ୱର,୨୬ା୭(ଭୟେସ ଅଫ୍ ଇଣ୍ଡିଆ) :-ନେମାଳ ଥାନା ପୁଲିସ ପକ୍ଷରୁ ଆଜି ଚଢାଉ କରାଯାଇ ଚୋରି ହୋଇଥିବା ସୁନା ଅଳଙ୍କାର ଜବତ କରାଯିବା ସହିତ ୨ ଜଣଙ୍କୁ ଗିରଫ କରାଯାଇଛି । ନେମାଳ ଥାନା ଅନ୍ତର୍ଗତ ବାଲିଆପଦା ଗ୍ରାମର ମାନସ ରଞ୍ଜନଙ୍କ ଘରୁ ଗତ ୩୦ ମାର୍ଚରେ ଚୋରି ହୋଇଥିବା ନେଇ ନେମାଳ ଥାନାରେ ଲିଖିତ ଅଭିଯୋଗ ହୋଇଥିଲା ।ଉକ୍ତ ଚୋରି ଘଟଣାକୁ କେନ୍ଦ୍ରକରି ନେମାଳ ଥାନା କେସ ନଂ୫୧/୨୪ରେ ଏକ ମାମଲା ରୁଜୁ କରାଯାଇ ତଦନ୍ତ କରାଯାଇଥିଲା ।ତେବେ ଆଜି ନେମାଳ ଥାନା ପୋଲିସ ପକ୍ଷରୁ ଆଇଆଇସି ସୁଶିଲ କୁମାର ନାୟକଙ୍କ ତତ୍ୱାବଧାନରେ ଏସଆଇ ସୋଭରାଜ ମହାନ୍ତି ,ଏସଆଇ ବ୍ରହ୍ମାନନ୍ଦ ସ୍ୱାଇଁ ,ଏଏସଆଇ ମନୋଜ ବେହୋରା ପ୍ରମୁଖଙ୍କ ଚଢାଇ କ୍ରମେ ବାଲିଆପଦା ଗ୍ରାମର ଗୁରୁ ଚରଣ ପ୍ରଧାନଙ୍କ ପୁତ୍ର ଅମରନାଥ ପ୍ରଧାନ (୨୯ )ଏବଂ ସୁଚିତ୍ରା ପ୍ରଧାନ (୫୩) ଙ୍କୁ ଗିରଫ କରିବା ସହିତ ଚୋରି ସୁନା ଅଳଙ୍କାର ୧୧୪.୫ ଗ୍ରାମ ଜବର କରାଯାଇ ଆସାମି ଦ୍ୱୟଙ୍କୁ ଦଫା ୪୫୭/୩୮୦ ରେ କୋର୍ଟ ଚାଲାଣ କରାଯାଇଛି ।(ସାର ଫଟୋ ପଠାଇଛି )
