ଭୁବନେଶ୍ୱର,୧୭ା୦୧ (ଭୟେସ ଅଫ୍ ଇଣ୍ଡିଆ/ବିନୟ କୁମାର ଦାସ) :–ସିଙ୍ଗାପୁରର ରାଷ୍ଟ୍ରପତି ଥର୍ମନ୍ ଶତ୍ରୁଗରତ୍ନମ୍ ଭୁବନେଶ୍ବରର ଦକ୍ଷତା କେନ୍ଦ୍ର ପରିଦର୍ଶନ କରି ସିଙ୍ଗାପୁର ଏବଂ ଓଡିଶା ରାଜ୍ୟ ମଧ୍ୟରେ ବଢୁଥିବା ଭାଗିଦାରୀରେ ଏକ ଗୁରୁତ୍ବପୂର୍ଣ ମାଇଲଖୁଣ୍ଟକୁ ଚିହ୍ନିତ କରିଛନ୍ତି। ଓଡିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ତାଙ୍କୁ ସ୍ବାଗତ କରିଥିଲେ । ତାଙ୍କ ସହିତ ମାନ୍ୟତା କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ଶୁଭ ଅବସରରେ ଯୋଗ ଦେଇ ମହାମହିମ ଙ୍କୁ ସମ୍ବର୍ଧନା ଜଣାଇ ଥିଲେ ।
ସମ୍ପର୍କ ଗଭୀର ହେବା ପାଇଁ ମୁଖ୍ୟମନ୍ତ୍ରୀ ଉତ୍ସାହ ବ୍ୟକ୍ତ କରି କହିଛନ୍ତି ଯେ ସିଙ୍ଗାପୁର ଏବଂ ଓଡିଶା ମଧ୍ୟରେ ସହଯୋଗ ପାଇଁ ଅପାର ସମ୍ଭାବନ ରହିଛି। ଦକ୍ଷତା ବିକାଶ, ଶିଳ୍ପ ପାର୍କ, ମାଷ୍ଟର ପ୍ଲାନିଂ, ବନ୍ଦର ଏବଂ ପାରାଦୀପ, ଅକ୍ଷୟ ଶକ୍ତି, ସେମିକଣ୍ଡକ୍ଟର, ସୂଚନା ପ୍ରଯୁକ୍ତିବିଦ୍ୟା, ତଥ୍ୟ କେନ୍ଦ୍ର, ସଂସ୍କୃତି ଏବଂ ସଂଯୋଗୀକରଣ ଭଳି ମୁଖ୍ୟ ବିଷୟବସ୍ତୁକୁ ଓଡ଼ିଶାର ମୁଖ୍ୟ ସଚିବ ଶ୍ରୀ ମନୋଜ ଆହୁଜା ଉପସ୍ଥାପନ କରିଥିଲେ । ଏହି ଗୁରୁତ୍ବପୂର୍ଷ କ୍ଷେତ୍ରଗୁଡିକରେ ସିଙ୍ଗାପୁର ସହ ସହଯୋଗ ପାଇଁ ଓଡିଶାର ପଦକ୍ଷେପ ଏବଂ ସୁଯୋଗକୁ ଉପସ୍ଥାପନ କରାଯାଇଥିଲା।
ଏହି ଗସ୍ତ ସମୟରେ ଶ୍ରୀ ଥର୍ମନ୍ ବିଶ୍ବ ଦକ୍ଷତା କେନ୍ଦ୍ରରେ ଭର୍ଟିକାଲ୍ ଟ୍ରାନ୍ସପୋର୍ଟ ଲ୍ୟାବ ଏବଂ ଟ୍ରାଭେଲେଟର ଲ୍ୟାବ ପରିଦର୍ଶନ କରିଥିଲେ ଏବଂ ବୈଷୟିକ ଶିକ୍ଷା ଏବଂ ନବସୂଜନ ପାଇଁ ଓଡିଶାର ପ୍ରତିବଦ୍ଧତାକୁ ଦର୍ଶାଇ ଛାତ୍ର ଓ ପ୍ରଶିକ୍ଷକଙ୍କ ସହ କଥାବାର୍ତା କରିଥିଲେ।
ଏହି ସମୟରେ ପ୍ରମୁଖ କ୍ଷେତ୍ରଗୁଡ଼ିକରେ ସହଯୋଗକୁ ମଜବୁତ କରିବା ପାଇଁ ଓଡିଶା ସରକାର ଏବଂ ବିଭିନ୍ନ ସିଙ୍ଗାପୁରର ସଂସ୍ଥାଗୁଡ଼ିକ ମଧ୍ୟରେ ନିମ୍ନଲିତ ଚୁକ୍ତିନାମା ର ବିନିମୟ ହୋଇଥିଲା
1. ଅକ୍ଷୟ ଶକ୍ତି ଜ୍ଞାନ କୌଶଳ ସମ୍ପର୍କରେ ଗବେଷଣା: ଶକ୍ତି ବିଭାଗ, ଓଡ଼ିଶା ସରକାର ଓ ଆଇଆଇଟି ଭୁବନେଶ୍ଵର ଏବଂ ନାନ୍ୟାଙ୍ଗ ଟେକ୍ନୋଲୋଜିକାଲ୍ ୟୁନିଭରସିଟି, ସିଙ୍ଗାପୁର
2. ଇଣଷ୍ଟ୍ରିଆଲ୍ ପାଇଁ: ଇଡକୋ ଏବଂ ସେମ୍ବକର୍ପ, ସିଙ୍ଗାପୁର
3. ନୂତନ ସହରର ବିକାଶ: ଚିକିଏ ଏବଂ ସୁରଚନ କୁରୋଙ୍ଗ, ସିଙ୍ଗାପୁର
4. ଗ୍ରୀନ ହାଇଡ୍ରୋଜେନ୍ ଜରିଚର୍ ଇପିକଲ ଏବଂ ସେମ୍ୱକର୍ପ, ସିଙ୍ଗାପୁର
5. ପେଟ୍ରୋଲିୟମ୍, ଜେମିଜାଲ୍ସ ଏବଂ ପେଟ୍ରୋ କେମିକାଲ୍ ନିବେଶ କ୍ଷେତ୍ର (ପିସିପିଆଇଆର): ଇଡକୋ ଏବଂ ସୁରବନ କୁରୋଙ୍ଗ,
6. ସିଙ୍ଗାପୁର ଓଡ଼ିଶାର ଆର୍ଥିକ ପ୍ରଯୁକ୍ତିଗତ ପ୍ରବନ୍ଧନର ସୁଦୃଢ଼ୀକାରଣ: ବୈଦ୍ୟୁତିକ ଅଣୁବିଜ୍ଞାନ ତଥା ସୂଚନା ଏବଂ ପ୍ରଯୁକ୍ତି ବିଦ୍ୟା ବିଭାଗ, ଓଡ଼ିଶା ସରକାର ଏବଂ ଡିଏଫ୍ ଟିଏନ୍. ସିଙ୍ଗାପୁର
7. ଭବିଷ୍ୟତ ପାଇଁ ଦକ୍ଷତା ବିକାଶ: ଓଡ଼ିଶାରେ ଏହି କ୍ଷେତ୍ରର ବ୍ୟାପକତା ଦକ୍ଷତା ବିକାଶ ଓ ବୈଷୟିକ ଜ୍ଞାନ କୌଶଳ ଶିକ୍ଷା ବିଭାଗ, ଓଡ଼ିଶା ସରକାର ଏବଂ ଆଇଟିର ଏଜୁକେଶନ ସର୍ଭିସେସ୍, ସିଙ୍ଗାପୁର
8. ସେମିକଣ୍ଡକ୍ଟର କ୍ଷେତ୍ରରେ ଦକ୍ଷତା ବିକାଶ: ଦକ୍ଷତା ବିକାଶ ଓ ବୈଷୟିକ ଜ୍ଞାନ କୌଶଳ ଶିକ୍ଷା ବିଭାଗ, ଓଡ଼ିଶା ସରକାର ଏବଂ ଆଇଟିର ଏଜୁକେଶନ ସର୍ଭିସେସ୍ଟ ସିଙ୍ଗାପୁର
ଦକ୍ଷତା ବିକାଶ ତଥା ନବସୃଜନକୁ ପ୍ରୋତ୍ସାହିତ କରିବାରେ ଓଡିଶାର ଉଦ୍ୟମକୁ ଶ୍ରୀ ଅର୍ମନ୍ ପ୍ରଶଂସା କରିଥିଲେ । ଓଡିଶାର ମୁଖ୍ୟମନ୍ତ୍ରୀ ଓଡିଶା ଏବଂ ସିଙ୍ଗାପୁର ମଧ୍ୟରେ ଚାଲିଥିବା ସହଭାଗୀତାର ପ୍ରତୀକ ଭାବରେ ତାଙ୍କ ମାନ୍ୟଗଣ୍ୟଙ୍କୁ ଏକ ଉତ୍ତରୀୟ ଏବଂ ସ୍ମାରକୀ ପ୍ରଦାନ କରିଥିଲେ । ନିର୍ଦେଶିକା ଦକ୍ଷତା ବିକାଶ ଏବଂ ନିୟୋଜନ ତଥା ସିଇଓ ବିଶ୍ଵ ଦକ୍ଷତା କେନ୍ଦ୍ର ଶ୍ରୀମତୀ ରଶ୍ମୀତା ପଣ୍ଡାଙ୍କ ଦ୍ବାରା ଧନ୍ୟବାଦ ଅର୍ପଣ ପ୍ରଦାନ କରାଯାଇଥିବା ସହିତ ଏହି କାର୍ଯ୍ୟକ୍ରମ ସମାପ୍ତ ହୋଇଥିଲା, ଯାହା ସିଙ୍ଗାପୁର ଏବଂ ଭାରତ ମଧ୍ୟରେ ସମ୍ପର୍କକୁ ଆହୁରି ଗଭୀର କରିଥାଏ ।
