ଟୋକିଓ: ଟୋକିଓର ହନେଡା ବିମାନବନ୍ଦରରେ ଜାପାନ ଏୟାରଲାଇନ୍ସର ଏକ ବିମାନରେ ଅଗ୍ନିକାଣ୍ଡ ଘଟିଛି। ଜାପାନ ଗଣମାଧ୍ୟମ ସୂଚନା ଅନୁସାରେ, ଅଧିକାରୀମାନେ ନିଆଁ ଲିଭା କାର୍ଯ୍ୟରେ ନିୟୋଜିତ ଅଛନ୍ତି। ସ୍ଥାନୀୟ ଗଣମାଧ୍ୟମ ଦ୍ବାରା ଜାରି କରାଯାଇଥିବା ଭିଡିଓରେ ଦେଖିବାକୁ ମିଳିଛି ଯେ, ହନେଡା ବିମାନବନ୍ଦରର ରନୱେରେ ଜାପାନ ଏୟାରଲାଇନ୍ସର ଏକ ବିମାନରେ ନିଆଁ ଲାଗିଛି। ତେବେ ଜାପାନ ତଟରକ୍ଷୀ ବିମାନ ସହ ଧକ୍କା କାରଣରୁ ଏହି ଅଗ୍ନିକାଣ୍ଡ ଘଟିଥାଇପାରେ ବୋଲି ଟୋକିଓ ଅଗ୍ନିଶମ ବିଭାଗ ପକ୍ଷରୁ କୁହଯାଇଛି। ତେବେ ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡ଼ିଛି। ଅପରପକ୍ଷେ, ପରିବହନ ଓ ପର୍ଯ୍ୟଟନ ମନ୍ତ୍ରଣାଳୟ କହିଛି ଯେ, ସେ ଘଟଣାର ତଦନ୍ତ କରୁଛନ୍ତି।
