ନେମାଳ,୨୬ା୮(ଭୟେସ ଅଫ୍ ଇଣ୍ଡିଆ/ପ୍ରଶାନ୍ତ ସିଂହ) :-ପଦ୍ମବନ ପୀଠ ନୋମାଳର ଏକ ପ୍ରମୂଖ ସାହି ଭାବେ ପରିଚିତ ନେମାଳ ବଙ୍ଗାଳି ସାହିରେ ଜନ୍ମାଷ୍ଟମୀ ପର୍ବ ଓ ଜଗତ ଜନନୀ ମା ଦୁର୍ଗାଙ୍କ ନବନିର୍ମିତ ଘଟ ନିର୍ମାଣ ପାଇଁ ମାଟି ତୋଳା ଉତ୍ସବ ଧୁମଧାମରେ ଅନୁଷ୍ଠିତ ହୋଇଯାଇଛି । ପୂଜାରେ ପ୍ରତ୍ୟୁଷରୁ ପାମ୍ପରିକ ନୀତି ଅନୁସାରେ ପୂଜା କାରାଯାଇ ହରିବଂଶ ପାଠ କରାଯାଇଥିଲା ।ସଂନ୍ଧ୍ୟାରେ ଅଳତି କରାଯିବା ପରେ ସାହୀର ସମସ୍ତଙ୍କ ଘରୁ ଆସିଥିବା ଭୋଗ ଲାଗି କରାଯାଇଥିଲା । ପରେ ସର୍ବଶକ୍ତିସ୍ୱରୁପିଣି ମାଁଦୁର୍ଗାଙ୍କ ନବନିର୍ମିତ ଘଟ ନିର୍ମାଣ ପାଇଁ ମାଟି ତୋଳା ପାଇଁ ଚିତ୍ରୋତ୍ପଳା ନଦୀ ତଟକୁ ବହୁ ଶ୍ରଧାଳୁ ମାନେ ଯାଇ ନଦୀ ତଟରେ ବେଲ୍ୱ ମୂଳେ ମାଁ ଦୁର୍ଗାଙ୍କ ପୂଜାଅର୍ଚ୍ଚନା କରାଯାଇ ମାଁଦୁର୍ଗାଙ୍କ ନବନିର୍ମିତ ଘଟ ନିର୍ମାଣ ପାଇଁ ମାଟି ଅଣାଯାଇଥିଲା । ପରେ ଜନ୍ମାଷ୍ଟମୀ ବ୍ରତ ପାଳନ କରିଥିବା ଲୋକେ ଭୋଗ ଲାଗିକରି ଫଳମୂଳ ଏବଂ ପ୍ରସାଦ ସେବନ କରିଥିଲେ । ଉକ୍ତ ଉତ୍ସବକୁ ନେମାଳ ବଙ୍ଗାଳି ସାହିର ଦୁର୍ଗା ପୂଜା କମିଟି ପକ୍ଷରୁ ଆୟୋଜନ କରାଯାଇଥିଲା ।
