ନିଶ୍ଚିନ୍ତକୋଇଲି ,୬।୯(ଭୟେସ ଅଫ୍ ଇଣ୍ଡିଆ) : : ନିଶ୍ଚିନ୍ତକୋଇଲି ବ୍ଲକ ଅଧିନସ୍ଥ ଅସୁରେଶ୍ୱର କେନ୍ଦିଲୋ ବାବା ତାରକ ଚନ୍ଦ୍ର ସରକାରୀ ପ୍ରାଥମିକ ବିଦ୍ୟାଳୟ ଆନୁକୂଲ୍ୟରେ ପବିତ୍ର ଗୁରୁପୂଜନ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନଶିକ୍ଷକ ଗତିକୃଷ୍ଣ ରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ବିଶିଷ୍ଟ ଅତିଥି ଭାବେ ଲବ୍ଧ ପ୍ରତିଷ୍ଠ କଣ୍ଠଶିଳ୍ପୀ କୁମାର ଜାନୁ, ସମ୍ମାନୀତ ଅତିଥି ଭାବେ ବିଦ୍ୟାଳୟ ପରିଚାଳନା କମିଟିର ଉପସଭାପତି ସୁଶାନ୍ତ କୁମାର ମଲିକ, ସହକାରୀ ଶିକ୍ଷୟିତ୍ରୀ ପ୍ରତିଭା ଦାସ ପ୍ରମୁଖ ଯୋଗଦାନ କରି ଗୁରୁଶିଷ୍ୟ ପରମ୍ପରାର ଐତିହ୍ୟ ସଂପର୍କରେ ଛାତ୍ର ଛାତ୍ରୀମାନଙ୍କୁ ଅବଗତ କରାଇଥିଲେ । ଏହି କାର୍ଯ୍ୟକ୍ରମ ଅବସରରେ ଇତିଶ୍ରୀ ମଲ୍ଲିକ, ଶ୍ରେୟାଶ୍ରୀ ମହାନ୍ତି, ଶୁଭଶ୍ରୀ ମଲିକ, ରଶ୍ମିତା ସିଂ, ପ୍ରତ୍ୟୁଷା ମଲ୍ଲିକ ପ୍ରମୁଖ ଗୁରୁବନ୍ଦନା କରିଥିଲେ । ଏହି ସଭାରେ କାଜଲ ବାରିକ, ସୌମ୍ୟଶ୍ରୀ ସେଠୀ, ଶୁଭଲକ୍ଷ୍ମୀ ସେନାପତି, ମାନିନୀ ମଲ୍ଲିକ, ତୁଳସୀ ମଲ୍ଲିକ, ପ୍ରୀତି ପ୍ରିୟଦର୍ଶିନୀ ମଲ୍ଲିକ ଏବଂ ଦେବିକା ବାରିକ ଦଳଗତ ସାଂସ୍କୃତିକ ନୃତ୍ୟ ଅଭିନୟ କରିଥିଲେ । ଗୁରୁଦିବସ ଅବସରରେ କାଜଲ ବାରିକ, ରଶ୍ମିତା ସିଂ, ଆଦର୍ଶ ମଲ୍ଲିକ, ଅଭିଜିତ ନାୟକ ପ୍ରମୁଖ ଭାଷଣ ପ୍ରଦାନ କରି ପୁରସ୍କୃତ ହୋଇଥିଲେ । କାର୍ଯ୍ୟକ୍ରମରେ ପ୍ରାକ୍ତନ ଛାତ୍ରୀ ଶର୍ମିଷ୍ଠା ବାରିକ, ଲିଜା ସେନାପତି ଓ ଅଙ୍କିତା ସିଂ ସକ୍ରିୟ ସହଯୋଗ କରିଥିଲେ । ଶେଷରେ ଅତିଥିମାନଙ୍କ ଦ୍ୱାରା ବିଦ୍ୟାଳୟ ପରିସରରେ ବୃକ୍ଷରୋପଣ କରାଯାଇଥିଲା ।
