ସେତୁ ପରି ଅତୁଟ ରହିବ କଟକ ସଦର ଓ ମାହାଙ୍ଗା ନିର୍ବାଚନ ମଣ୍ଡଳିର ସଂପର୍କ
ଭୁୁବନେଶ୍ୱର,୯ା୩(ଭୟେସ ଅଫ୍ ଇଣ୍ଡିଆ/ବିନୟ କୁମାର ଦାସ) :- ଗମନାଗମନଠାରୁ ଆରମ୍ଭ କରି ଶିକ୍ଷା,ସ୍ୱାସ୍ଥ୍ୟ ଏପରିକି ଚାଷୀମାନଙ୍କ ସୁବିଧା ପାଇଁ ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସଦାସର୍ବଦା ଚେଷ୍ଟା କରି ଆସୁଥିବା ସହ ଗ୍ରାମାଞ୍ଚଳର ମାଆମାନେ ସ୍ୱାବଲମ୍ବୀ ହେଲେ ରାଜ୍ୟ ତଥା ଦେଶର ଉନ୍ନତି ହେବା ସହିତ ବିଜୁ ସେତୁ ପରି ଅତୁଟ ରହିବ କଟକ ସଦର ଓ ମାହାଙ୍ଗା ନିର୍ବାଚନ ମଣ୍ଡଳିର ସଂପର୍କ ବୋଲି ଆଜି ନିଶ୍ଚିନ୍ତକୋଇଲି ବ୍ଲକ ତଥା ଜନାର୍ଦ୍ଧନପୁର ନିକଟ ଚିତ୍ରୋତ୍ପଳା ନଦୀ ଉପରସ୍ଥ ଜନାର୍ଦ୍ଧନପୁର ଶନି ମନ୍ଦିର ଠାରୁ କୁଳିଆ ପର୍ଯ୍ୟନ୍ତ ବିଜୁ ସେତୁ ଯୋଜନାରେ ୬୩ କୋଟି ଟଙ୍କା ବ୍ୟୟରେ ନିର୍ମିତ ବିଜୁ ସେତୁର ଶୁଭ ଶିଳାନ୍ୟାସ ଉତ୍ସବରେ ମୁଖ୍ୟ ଅତିଥି ଭାବରେ ମାହାଙ୍ଗା ବିଧାୟକ ତଥା ପୂର୍ବତନ ମନ୍ତ୍ରୀ ପ୍ରତାପ ଜେନା ମତ ଦେଇଛନ୍ତି । କଟକ ସଦର ବିଧାୟକ ତଥା ପୂର୍ବତନ ମନ୍ତ୍ରୀ ଚନ୍ଦ୍ରସାରଥି ବେହେରାଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ପ୍ରଥମେ ବିଜୁ ସେତୁର ଶୁଭ ଶିଳାନ୍ୟାସ କରାଯାଇଥିଲା । ପରେ ମଧୁବାବୁ ପେନସନ୍ ଯୋଜନାରେ ୮୬୫ ଜଣଙ୍କୁ ଭର୍ତ୍ତା ପ୍ରଦାନ କରାଯାଇଥିବା ବେଳେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ୭୫୧ ଜଣଙ୍କୁ ନବୀନ କାର୍ଡ ଓ ୧୭ଜଣଙ୍କୁ ସିକିମ୍ ପଟା ପ୍ରଦାନ କରାଯାଇଥିଲା ।ଉକ୍ତ କାର୍ଯ୍ୟକ୍ରମରେ ଜିଲ୍ଲାପରିଷଦ ସଭ୍ୟ ଇଂ ବିଳାସ ଭୋଇ,ପର୍ଯ୍ୟବେକ୍ଷକ ରମେଶ ଚନ୍ଦ୍ର ସ୍ୱାଇଁ,ବ୍ଲକ ବିକୁଜନତା ଦଳ କାର୍ଯ୍ୟକାରୀ ସଭାପତି ପ୍ରମୋଦ କୁମାର ନାୟକ,କଟକ ଜିଲ୍ଲା ବିଜୁଜନତାଦଳ ଉପ ସଭାପତି ଅଚ୍ୟୁତାନନ୍ଦ ଦାସ,ସାଧାରଣ ସଂପାଦକ ନୃସିଂହ ଚରଣ ମୁଦୁଲି ,ନିଶ୍ଚିନ୍ତଜୋଇଲି ବ୍ଲକ ବିକୁଜନତା ଦଳ ମହିଳା ସଭାନେତ୍ରୀ ନନ୍ଦିନୀ ନାୟକ,ବିଡିଓ ବିରଂଚି ନାରାୟଣ ବେହେରା,ସାଧାରଣ ସଂମ୍ପାଦକ ମିଲନ କୁମାର ଭୁୟାଁ,ସମ୍ପାଦକ ବିଶ୍ୱେନ୍ଧୁ ମହାରଣା,ଯୁବ ସଭାପତି ବିଶ୍ୱଜିତ ପରିଡା,କଳମିଶ୍ରୀ ସରପଞ୍ଚ ଅନନ୍ତ କର ପ୍ରମୁଖ ଅତିଥି ଭାବେ ଯୋଗଦେଇଥିଲେ । ସୂଚନାଯୋଗ୍ୟ ଯେ ବିଧାୟକ ଦ୍ୱୟଙ୍କୁ ମାରଡା ବଳରାମପୁର ହନୁମାନ ମନ୍ଦିର ଛକରୁ ଏକ ବିରାଟ ପଟୁଆରରେ ସଭା ସ୍ଥଳକୁ ଅଣାଯାଇଥିବା ବେଳେ ବିଭିନ୍ନ ସ୍ଥାନରେ ବିଧାୟକ ଦ୍ୱୟଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଥିଲା । ଏହି ଅବସରରେ ଜିଲ୍ଲା ଯୁବ ସମ୍ପାଦକ ହିମାଂଶୁ ଶେଖର ଦାସ ,ଛାତ୍ର ନେତା ବଳଦେବାନନ୍ଦ ଦାସ ,ନେମାଳ ପଞ୍ଚାୟତ ସରପଞ୍ଚ ସସ୍ମିତା ମହାନ୍ତି,ନେମାଳ ପଞ୍ଚାୟତ ବିଜେଡି ସଭାପତି ବିମଳ କୁମାର ଦାସ ,ଉପସଭାପତି ଅମୀୟ ପ୍ରସାଦ ମହାନ୍ତି,ଗୋପିନାଥ ପଲାଇ,ରୁସତମ ମହମ୍ମଦ, କଟକ ସଦର ଛାତ୍ର ସଭାପତି ସଂଗ୍ରାମ ସାହାଣୀ,ଯୁବ ବିଜେଡି ସଭାପତି ଭୈରବ କାସ୍ତ ,ରଞ୍ଜନ ବେହେରା ପ୍ରମୁଖ ଯୋଗଦେଇଥିବା ବେଳେ ପ୍ରଦୀପ୍ତ କିଶୋର ସଢଙ୍ଗୀ ସ୍ୱାଗତ ଭାଷଣ ଓ ଜନାର୍ଦ୍ଧନପୁର ସରପଞ୍ଚ ବିଶ୍ୱଭୁଷଣ ନାୟକ ଧନ୍ୟବାଦ ଅର୍ପଣ କରିଥିଲେ ।
