କେସିଙ୍ଗା,୭ା୦୨ (ଭୟେସ ଅଫ୍ ଇଣ୍ଡିଆ) :-କଳାହାଣ୍ଡି ଜିଲା କେସିଙ୍ଗା ବ୍ଲକ ଉତକେଲା ପଞ୍ଚାୟତର କୋକୋମୁଣ୍ଡା ଛକ ପାଖରେ ଥିବା ଗୋପାଲ ଏଗ୍ରୋ କପା ମିଲ୍ରେ ବୁଧବାର ନିଆଁ ଲାଗି ଲକ୍ଷାଧିକ ଟଙ୍କାର କପା ଜଳି ପାଉଁଶ ହୋଇଥିବା ଜଣାପଡ଼ିଛି।
ସୂଚନାନୁଯାୟୀ, କୋକୋମୁଣ୍ଡାସ୍ଥିତ ଗୋପାଲ ଏଗ୍ରୋ କପା ମିଲ୍ର ମାଲିକଙ୍କ କହିବା ଅନୁସାରେ ବୁଧବାର ସକାଳେ କପାମିଲ୍ ଚାଲୁଥିବା ସମୟରେ ଶଟ୍ସର୍କିଟ୍ ଯୋଗୁ ହଠାତ ନିଆଁ ଲାଗି ଯାଇଥିଲା। ପରେ ମିଲ୍ ମାଲିକ ସଙ୍ଗେ ସଙ୍ଗେ କେସିଙ୍ଗା ଦମକଳ କେନ୍ଦ୍ରକୁ ଫୋନ୍ କରି ଜଣାଇଲା ପରେ କେସିଙ୍ଗାରୁ ଦୁଇଟି ଦମକଳ ଗାଡ଼ି ଓ ଭବାନୀପାଟଣାରୁ ଗୋଟିଏ ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚି ଘଣ୍ଟାଏ ପରେ ନିଆଁକୁ ନିୟନ୍ତ୍ରଣ କରିଥିଲେ। ମିଲ୍ ମାଲିକଙ୍କ କହିବା ଅନୁସାରେ କ୍ଷୟକ୍ଷତିର ଆକଳନ ହୋଇ ନ ଥିଲେ ମଧ୍ୟ ଲକ୍ଷାଧିକ ଟଙ୍କାର କପା ପୋଡ଼ି ପାଉଁଶ ହୋଇଥିବା ସ୍ବୀକାର କରିଛନ୍ତି।
