ଭୁବନେଶ୍ୱର,୧୨ା୦୨ (ଭୟେସ ଅଫ୍ ଇଣ୍ଡିଆ) :-ନେମାଳ ମହାପୁରୁଷ ଅଚ୍ୟୁତାନନ୍ଦ ଷ୍ଟାଡିୟମ ଠାରେ ଫ୍ରେଣ୍ଡସ୍ ୟୁନିୟନ କ୍ଲବ ଆନୁକୂଲ୍ୟରେ ବାର୍ଷିକ ଫ୍ରେଣ୍ଡସ୍ ୟୁନିୟନ୍ କ୍ରିକେଟ୍ ସ୍ମାରକୀର ଉଦ୍ଯାପିତ ହୋଇଯାଇଛି ।ହିମାଶୁଂଶେଖର ଦାସଙ୍କ ଅଧ୍ୟକ୍ଷତାରେ ଆୟୋଜିତ ଏହି ଉଦ୍ଯାପିତ ଉତ୍ସବରେ ମୁଖ୍ୟ ଅତିଥି ଭାବେ ଶାସ୍ ଅନୁଷ୍ଠାନର ପ୍ରତିଷ୍ଠାତା ସାମ୍ବାଦିକ ବିନୟ କୁମାର ଦାସ ଯୋଗଦେଇ କ୍ରିଡାର ଭୂମିକା ସଂପର୍କରେ ସୁଚନା ଦେଇଥିଲେ ।ମୁଖ୍ୟ ବକ୍ତା ଭାବେ ସାମ୍ବାଦିକ କ୍ଷମାନିଧି ପୁଝାରୀ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ସାମ୍ବାଦିକ ଗୋବିନ୍ଦ ଦାସ , ଛାତ୍ର ନେତା ବଳଦେବାନନ୍ଦ ଦାସ ପ୍ରମୁଖ ଯୋଗଦେଇ ଚମ୍ପିୟନ ଓ ରନରସ୍ଅଫ୍ ଟିମ୍କୁ ଟ୍ରଫି ସହିତ ଅର୍ଥରାଶି ପ୍ରଦାନ କରିଥିଲେ ।ତବେ ଆଜି ଫାଇନାଲ ଖେଳରେ ବିସିସି କ୍ରିକେଟ ଟିମ ସାନ୍ତପୁରକୁ ଫ୍ରେଣ୍ଡସ୍ ୟୁନିୟନ ଜୁନିୟର କ୍ରିକେଟ ଟିମ୍କୁ ଭେଟିଥିଲା । ଟସ୍ଜିତି ଫ୍ରେଣ୍ଡସ୍ ୟୁନିୟନ କ୍ରିକେଟ ଟିମ୍ ବ୍ୟାଟିଙ୍ଗ୍ କରିବାକୁ ନିସ୍ପତି ନେଇ ନିର୍ନ୍ଧାରିତ ୭ ଓଭରରେ ୫ ୱିକେଟ ହରାଇ ୮୪ ରନ ସଂଗ୍ରହ କରିଥିଲା ଜବାବରେ ବିସିଚି କ୍ରିକେଟ ଟିମ୍ ସାନ୍ତପୁର ନିର୍ନ୍ଧାରିତ ୬ ଓଭରରେ ୨ ୱିକେଟ ହରାଇ ୮୫ ରନ ସଂଗ୍ରହ କରି ଚମ୍ପିୟନ ହୋଇ ମୁଖ୍ୟ ଅତିଥି ମାନଙ୍କ ଠାରୁ ସିଲ୍ ଓ ଅର୍ଥରାଶି ଗ୍ରହଣ କରିଥିଲା । ଉକ୍ତ ଟୁର୍ଣ୍ଣାମେଣ୍ଟକୁ ଅମ୍ପେୟାର ଭାବେ ଏସ.କେ ରକି ,ତନ୍ମୟ ସ୍ୱାଇଁ,ଅଭିନାସ ଦତ୍ତ ପ୍ରମୁଖ ପରିଚାଳନା କରିଥିଲେ ।ମ୍ୟାନ ଅଫ୍ ଦି ମ୍ୟାଚ୍ ଭାବେ ରାଜା ପାଇକରା ,ମ୍ୟନ୍ ଅଫ୍ଦିସିରିଜ ଅଭିନାଶ ମହାନ୍ତି ,ବେଷ୍ଟ ବୋଲର ସୈାରଭ ସୁନ୍ଦର ପୁଝାରୀ,ବେଷ୍ଟ ବ୍ୟାଟ୍ସ ମାନ୍ୟ ଭାବେ ସୋରୁପ ଜେନା ପ୍ରମୁଖଙ୍କୁ ପୁରସ୍କୃତ କରାଯାଇଥିଲା ।ଉକ୍ତ କ୍ରୀଡାକୁ ଦିଲିପ ପୁଝାରୀ ,ବିଶ୍ୱନିଗମ ଦାସ ,ସାଗର ମହାରଣା ,ରଶ୍ମିରଂଞ୍ଜନ ପୁଝାରୀ,ଦେବେନ୍ଦ୍ର ପୁଝାରୀ ପ୍ରମୁଖ ପରିଚାଳନା କରିଥିଲେ । ଶେଷରେ ସୈାରଭ ସୁନ୍ଦର ପୁଝାରୀ ଧନ୍ୟବାଦ ଅର୍ପଣ କରିଥିଲେ ।
