ନେମାଳ ଥାନା ଅଞ୍ଚଳର ବିଭିନ୍ନ ମସଜିତ୍ରେ ସମୂହ ନମାଜ ପାଠ କଲେ ୩ ହଜାରରୁ ଊର୍ଦ୍ଧ୍ୱ ମୁସଲମାନ ଧର୍ମାବଲମ୍ବୀ
ଭୁୁବନେଶ୍ୱର,୧୧ା୦୪ (ଭୟେସ ଅଫ୍ ଇଣ୍ଡିଆ/ବିନୟ କୁମାର ଦାସ) :- ଶାନ୍ତି, ମୈତ୍ରୀ, ତ୍ୟାଗ ଓ ସମର୍ପଣର ପର୍ବ ଇଦ୍ ଅବସରରେ ଗୁରୁବାର ନେମାଳ ଥାନା ଅନ୍ତର୍ଗତ ନେମାଳ ,ପାଳଦା ,ବାବୁଜଙ୍ଗ ,ଗୋପିନାଥପୁର ,ନଗସପୁର ଜମା ମସଜିଦ୍,ପାଟନା ମସଜିଦ୍,ମିର୍ ମୋହଲା ମସଜିଦ୍,ବରହମପୁରର ମଦାନି ମସଜିଦ୍ ,ଝାଡେଶ୍ୱରପୁରର ମରକାଜ୍ ଜମା ମସଜିଦ୍, ଅବୁ ବକ୍ୟୁର୍ ମସଜିଦ୍ ଆଦିରେ ୩ ହଜାରରୁ ଊର୍ଦ୍ଧ୍ୱ ମୁସଲମାନ ଧର୍ମାବଲମ୍ବୀ ନିଜ ନିଜ ମସଜିଦ୍ରେ ସମୂହ ନମାଜ ପାଠ କରିଛନ୍ତି । ଦୀର୍ଘ ଗୋଟିଏ ମାସ ରୋଜା ଉପବାସ ରଖିବା ପରେ ଇଦ୍ ପାଳନ କରିଛନ୍ତି । ପରସ୍ପରକୁ ଆଲିଙ୍ଗନ କରି ଇଦ୍ ମୁବାରକ ଜଣାଇଛନ୍ତି । ଉକ୍ତ ଅଞ୍ଚଳର ସବୁ ମସ୍ଜିଦରେ ଶ୍ରଦ୍ଧାଳୁମାନେ ନୂଆ ବସ୍ତ୍ର ପରିଧାନ କରି ମହାଆଡ଼ମ୍ବରରେ ସହକାରେ ପାଳନ କରୁଛନ୍ତି ଇଦ୍ପର୍ବ ।
ଏହି ଅବସରରେ ଗୋପିନାଥପୁର ଠାରେ ଅବଦୁଲ ରଦିଦ ଖାଁନ(ବାବୁ)ଙ୍କ ଅଧ୍ୟକ୍ଷତାରେ ଆୟୋଜିତ ଉଦ୍ ମୋବାରକ କାର୍ଯ୍ୟକ୍ରମରେ ବହୁ ହିନ୍ଦୁ ଧର୍ମାବଲମ୍ବୀ ଓ ବିଶିଷ୍ଠ ବ୍ୟକ୍ତିମାନେ ଯୋଗଦେଇ ସମସ୍ତ ମୁସଲମାନ ଭାଇ ଭଉଣୀମାନଙ୍କୁ ଇଦ୍ର ଅଭିନନ୍ଦନ ଜଣାଇଥିଲେ । ଏହି ପବିତ୍ର ପର୍ବକୁ ମୁସ୍ଲିମ୍ ଧର୍ମାବଲମ୍ବୀମାନେ ଦୀର୍ଘ ଗୋଟିଏ ମାସ ରୋଜା ବା ଉପବାସ ରଖିବା ସହ ଦାନ ଧର୍ମ କରି ରମଜାନ ମାସକୁ ବେଶ ନିଷ୍ଠାର ସହ ପାଳନ କରିଛନ୍ତି । ତେବେ ଉକ୍ତ ଅଞ୍ଚଳରେ ଏହି ପର୍ବକୁ ଭାଇଚାରା ରୀତିରେ ଅନୁଷ୍ଠିତ ହେଉଥିବା ବେଳେ ହିନ୍ଦୁ ଓ ମୁସ୍ଲିମ ସମ୍ପ୍ରଦାୟର ଲୋକମାନେ ଏହି ପର୍ବରେ ସାମିଲ ହୋଇ ପରସ୍ପରକୁ ଜଣାଇଛନ୍ତି ଇଦ୍ ମୁବାରକ । ଏହି କାର୍ଯ୍ୟକ୍ରମରେ ପ୍ରାକ୍ତନ ବ୍ଲକ ଅଧ୍ୟକ୍ଷ ଗିରିଶ ରଞ୍ଜନ ମହାପାତ୍ର,ବିଜେଡି ଜୋନ ସଭାପତି ଅନିଲ ଭୂୟାଁ,ଜିଲ୍ଲାପରିଷଦ ସଭ୍ୟ ଭୂପତି ଭୂଷଣ ଷଣ୍ଢ ,ବ୍ଲକ ଅଧ୍ୟକ୍ଷା ପ୍ରତିନିଧି ମନୋଜ ସେଠି,ବରିଷ୍ଠ ନାଗରିକ ପ୍ରଫୁଲ୍ଲ ସଢଙ୍ଗି , ସାମ୍ବାଦିକ ବିନୟ କୁମାର ଦାସ ,ସାମାଜିକ କର୍ମୀ ଦେବାଶିଷ ଦାସ,ପ୍ରାକ୍ତନ ସରପଞ୍ଚ ସୁଧାଂଶୁ ଭୂୟାଁ,ସରପଞ୍ଚଞ୍ଚ ଅନିଲ ଦଳାଇ ,ସମିତି ସଭ୍ୟ ଆନନ୍ଦ ଦାଶ ,ବିଭୁତି ଦାଶ ,ଅତଉଳ ମିର୍ଜା,ବ୍ରଜମୋହନ ପଣ୍ଡା,ତଶୂନ ମହମ୍ମଦଙ୍କ ସମେତ ବହୁ ନେତୃ ମଣ୍ଡଳୀ ପହଞ୍ଚି ଇଦ୍ ମୁବାରକ ଜଣାଇଥିଲେ । ଏହି ଅବସରରେ ମାହାଙ୍ଗା ବିଧାୟକ ପ୍ରତାପ ଜେନା ,କଟକ ସଦର ବିଧାୟକ ଚନ୍ଦ୍ରସାରଥି ବେହେରା ସମସ୍ତ ମୈାଲାନା ମାନଙ୍କୁ ପବିତ୍ର ରମ୍ଜାନ ମାସର ପାରମ୍ପରିକ ରୋଜା ତଥା ଇଦ୍ର ଶୁଭ ମୁବାରକ୍ ର ବାର୍ତ୍ତା ଦେଇଛନ୍ତି ।
