ଭୁବନେଶ୍ୱର,୧୬ା୦୧ (ଭୟୋସ ଅଫ୍ ଇଣ୍ଡିଆ) :-ଶାସ୍ ସ୍ୱଛାସେବି ଅନୁଷ୍ଠାନ ପକ୍ଷରୁ ସ୍ୱାସ୍ଥ୍ୟ ଏବଂ ସୁସ୍ଥତା ସଚେତନତା ଶିବିର ନେମାଳ ଶାସ୍ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ଆୟୋଜିତ କାର୍ଯ୍ୟକ୍ରମକୁ ଅନୁଷ୍ଠାନର ପ୍ରତିଷ୍ଠାତା ସଭାପତି ସାମ୍ବାଦିକ ବିନୟ କୁମାର ଦାସ ଅଧ୍ୟକ୍ଷତା କରିଥିଲେ । ଉତ୍ସବର ପ୍ରାରମ୍ବରେ ଉଦ୍ଘାଟକ ତଥା ମୁଖ୍ୟ ଅତିଥି ଭାବେ ମହାରାଷ୍ଟ୍ର ରାଜ୍ୟ ମୁଖ୍ୟ ଶାସନ ସଚିବ ତଥା ଆୟୁର୍ବେଦ ସ୍ୱାସ୍ଥ୍ୟ ପରାମର୍ଶଦାତା ସୂର୍ଯ୍ୟକାନ୍ତ ପରିଡା ଯୋଗଦେଇ ଉତ୍ସବକୁ ପ୍ରଦୀପ ପ୍ରଜ୍ୱଳନ ପୂର୍ବକ ଆନୁଷ୍ଠାନିକ ଭାବେ ଉଦ୍ଘାଟନ କରିବା ସହିତ ପିଲାମାନଙ୍କର ସ୍ମୃତି ଏବଂ ରୋଗ ପ୍ରତିରୋଧକ ସମ୍ପର୍କ ରେ ସଚେତନତା କରାଇ ଉଚିତ ପରାମର୍ଶ ପ୍ରଦାନ କରିଥିଲେ ।
ମୁଖ୍ୟ ବକ୍ତା ଭାବେ ସ୍ୱାସ୍ଥ୍ୟ ଏବଂ ସୁସ୍ଥତା ପରାମର୍ଶଦାତା ଶ୍ରୀମତୀ ଶିଳ୍ପା ବୋଷ ଯୋଗ ଦେଇ ପିଲାମାନଙ୍କର ରୋଗ ପ୍ରତିରୋଧକ ସହିତ ମହିଳା ମାନଙ୍କ ବିଭିନ୍ନ ରୋଗ ସମ୍ପର୍କ ରେ ସଚେତନତା କରାଇଥିଲେ ,ସମ୍ମାନିତ ଅତିଥି ଭାବେ ଶିକ୍ଷାବିତ କ୍ଷିରୋଦ କୁମାର ସଢଙ୍ଗୀ,ଶିକ୍ଷାଜ୍ୟୋତି ହାଡିବନ୍ଧୁ ମହାନ୍ତି ପ୍ରମୁଖ ଯୋଗଦେଇଥିଲେ । ଶେଷରେ ଶାସ୍ ଅନୁଷ୍ଠାନର ସଂଯୋଜିକା ସୁଭଶ୍ମିତା ଦାସ ଧନ୍ୟବାଦ ଅର୍ପଣ କରିଥିଲେ ।
