ଭୁବନେଶ୍ୱର,୨୬ା୮(ଭୟେସ ଅଫ୍ ଇଣ୍ଡିଆ/ବିନୟ କୁମାର ଦାସ) :-ନେମାଳ ଥାନା ଅନ୍ତର୍ଗତ ସାନ୍ତପୁର ସରସ୍ୱତୀ ଶିଶୁ ବିଦ୍ୟା ମନ୍ଦିର ପରିସରରେ ଜନ୍ମାଷ୍ଟମୀ ଉତ୍ସବ ପାଳିତ ହୋଇଯାଇଛି । ବିଦ୍ୟାମନ୍ଦିର ପରିସରରେ ଶ୍ରୀକୃଷ୍ଣଙ୍କୁ ପୂଜାର୍ଚ୍ଚନା କରାଯିବା ସହିତ ଶ୍ରୀକୃଷ୍ଣଙ୍କ ଜନ୍ମ ବିଷୟରେ ହରିବଂଶ ପାଠ କରାଯାଇଥିଲା ।ଶିଶୁ ମନ୍ଦିରର ଶିଶୁ ଭାଇ ଓ ଭଉଣୀମାନେ ରାଧାକୃଷ୍ଣଙ୍କ ବେଶ ହୋଇ ଗ୍ରାମ ଓ ବଜାର ପରିକ୍ରମା କରିବା ସହିତ ପ୍ରଭୁ ଶ୍ରୀକୃଷ୍ଣଙ୍କର ମହିମା ପ୍ରଚାର ସମ୍ପର୍କରେ ଆଲୋଚନା କରିଥିଲେ । ରହଂସ ଗ୍ରାମରେ ବିଭିନ୍ନ ସ୍ଥାନରେ ମହିଳାମାନେ ପ୍ରଭୁଙ୍କ ବନ୍ଦାପନା କରିବା ସହ ଦୀପ ଧୂପ ଦେଇ ପୂଜାର୍ଚ୍ଚନା କରିଥିଲେ । ପ୍ରଧାନ ଆଚାର୍ଯ୍ୟ ସୁଶୀଲ କୁମାର ବିଶୋଇଙ୍କ ସଂଯୋଜନାରେ ଆଚାର୍ଯ୍ୟା ଉଷାରାଣୀ ବିଶ୍ୱାଳ କାର୍ଯକ୍ରମ ପରିଚାଳନା କରିଥିଲେ ।
ପରିଚାଳନା କମିଟିର ସମ୍ପାଦକ ହେମନ୍ତ କୁମାର ଲେଙ୍କା,ସଭାପତି ଫକୀର ଚରଣ ପୁହାଣ ମାର୍ଗ ଦର୍ଶନ କରିଥିଲେ । ବରିଷ୍ଠ ଆଚାର୍ଯ୍ୟ ଭାଗିରଥୀ ବାରିକ,ମିହିର କୁମାର ଜେନା,ସୁରଥ କୁମାର ରାଉତ,ପ୍ରଦୀପ୍ତ କୁମାର ଭୋଇ, ଦୁର୍ଗା ପ୍ରସାଦ ଦାଶ, ନାରାୟଣ ମହାପାତ୍ର,ମନୋଜ କୁମାର ସାହୁ,ଅଶୋକ କୁମାର ନାୟକ,ଡମ୍ବରୁଧର ସାହୁ ଆଚାର୍ଯ୍ୟା ଅସୀମା ଦାଶ, ନିରୁଲତା ପାଣି,ବିଜୟ ଲକ୍ଷ୍ମୀ ପାଣିଗ୍ରାହୀ,କଳ୍ପନା ଲେଙ୍କା ଙ୍କ ସମେତ ସମସ୍ତ ଗୁରୁଜୀ,ଗୁରୀମା ଓ ସେବିକା ମାନେ ସହଯୋଗ କରିଥିଲେ ।
